Normativa reguladora do proceso de admisión

 

POSTOS ESCOLARES OFERTADOS PARA O CURSO 2013-2014

 

E. INFANTIL:    
     3 ANOS – 25

     4/5 ANOS – 7

 

E. PRIMARIA:      
 1º CICLO (1º/2º) – 0

2º CICLO (3º/4º) – 2

3º CICLO (5º/6º) -  9

 

E. SECUNDARIA:  1º - 20        3º - 20

                            2º - 19        4º - 17

                              

CALENDARIO DO PROCEDEMENTO DE ADMISIÓN  PARA O CURSO ESCOLAR 2013-2014

 

Para o curso escolar 2013/2014 os prazos previstos nesta orde para a tramitación dos procedementos de admisión e de matriculación do alumnado, son os seguintes:

1. Reserva de praza no centro de adscrición: 18 - 22 de marzo.

2. Data do sorteo público a efectos de desempate: antes do 2 de abril.

3. Publicación de postos escolares vacantes: 4 de abril.

4. Presentación da solicitude de admisión: 5 - 17 de abril.

5. Presentación da documentación acreditativa dos criterios de baremo: 22 de abril – 3 de maio.

6. Publicación das listaxes provisionais de admitidos e non admitidos: até 10 de maio.

7. Publicación das listaxes definitivas de admitidos e non admitidos: antes do 31 de maio.

8. Contra a relación definitiva, as persoas inte­resadas poderán formular reclamación ante a persoa titular da xefatura territorial no prazo dun mes contado a partir do día seguinte ao da súa publicación.

PRAZOS DE FORMALIZACIÓN DE MATRÍCULA

* Formalización da matrícula en educación infantil e primaria: 20 - 30 de xuño.

 

* Formalización da matrícula en ESO e bacharelato: 25 de xuño - 10 de xullo.

 

* Prazo extraordinario de formalización de matrícula ESO e bacharelato: 1 - 10 de setembro.

 

NOTA INFORMATIVA

1º. Cada alumna e alumno só pode presentar unha única solicitude no centro no que solicite praza en primeiro lugar,  a infracción determinará a perda dos dereitos de prioridade que poidan corresponderlle.

2º. O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

3º. O alumnado que ten reservada praza nun centro, se presenta solicitude de ad­misión noutro distinto deberá comunicar a renuncia á reserva antes do inicio do prazo de presentación de solicitudes de admisión.

 

Servizos complementarios

SERVIZO DE COMEDOR- CATERING

A normativa máis importante en materia de hixiene é a seguinte:

•

RD 3484/2000 de 29 de decembro polo  que se establecen as normas de hixiene para a  elaboración, distribución e comercio de comidas preparadas (BOE 11 y 12 de xaneiro de 2001).

•

RD 2207/1995 de 28 de decembro, polo que se establecen as normas de hixiene relativas a  productos alimenticios.

•

RD 202/2000 de 11 de febreiro, polo que se establecen as normas relativas aos  manipuladores/as de alimentos.

•

RD 1712/91 de 29 de decembro sobre o rexistro xeral sanitario de alimentos

 

O marco xurídico autonómico que regula na actualidade o servizo de comedor escolar recóllese, básicamente no Decreto 16/1984, do 9 de febreiro, polo que se regula o funcionamento dos comedores escolares (DOG do 29/2/84), modificado polo Decreto 283/1986, do 25 de xuño (DOG do 14/10/86) e polo Decreto 443/1990, do 13 de setembro (DOG do 27/09/90).

Orde do 21 de febreiro de 2007 pola que se regula a organización, funcionamento e xestión do servicio de comedor escolar nos centros docentes públicos non universitarios dependentes da Consellería de Educación e Ordenación Universitaria.

Criterios establecidos por cada centro educativo, consistentes noutras circunstancias relevantes e xustificadas, de acordo con criterios obxectivos, que deberán ser publicados coa necesaria antelación ao inicio do proceso de admisión:

 

Según reunión do Consello Escolar do CPR. Jorge Juan de Narón, celebrada o 19 de marzo de 2013, renunciase a establecer un criterio por parte do centro, para aplicar en caso de que o número de solicitudes sexa superior ao de postos disponibles para o vindeiro curso 2013-2014.

 

DOG 15 de marzo de Admisión:

https://www.edu.xunta.es/webmail/imp/view.php?actionID=view_attach&id=2&uid=596&mailbox=SU5CT1g&uniq=1364231217382

Piii,piiii! Paso, que vamos!!

 Como xa ven sendo un costume visitounos o carro de Educación Vial do Concello aos nenos e nenas do 1º ciclo. No circuito que temos pintado no patio do colexio xogamos a ser conductores e peóns sempre, iso si, respetando as normas de circulación. Pasámolo moi ben e aprendimos un montón de cousas.
Tamén os monitores o pasaron ben coas nosas respostas, así cando nos preguntaron que se debe facer nun semáforo en vermello un de nós contestou: Falar polo móvil, miña nai sempre o fai!! Je, je somos uns paveros, non si?

Vaia circo!!

 Este ano o entroido veu pasado por auga pero iso non nos quitou as ganas de poñelos disfraces e pasalo ben no cole.
 O xoves os que quixemos viñemos disfrazados da casa, así no patio da escola xuntámonos princesas, piratas, indios, monstruos, vacas... vaia lío montamos!
 O venres antes de facer as nosas actuacións no salón de actos collimos forzas nas aulas cunha merendola típica destas datas. Das casas chegaron freixós, orellas, rosquillas... que compartimos todos xuntos antes de poñelos disfraces feitos polas nosas mans coa axuda dos profes.
 O tema central do noso entroido foi o circo e así Educación Infantil foi de pallasos, o primeiro ciclo de primaria de leóns e domadores, o segundo ciclo de magos e chisteiras con coello incluído e o terceiro ciclo de banda de música.
 As actuacións remataron cun baile a cargo da ANPA tan divertido coma sempre.
Este ano non houbo desfile ata a praza do Concello porque o tempo non o permitiu pero aproveitamos  para bailar e pasalo moi ben.
Recordarvos que o venres 15 pola tarde a partir das 16:30 hai festa de disfraces no cole a cargo da ANPA, animádevos e non faltedes!!!

DÍA DA PAZ

 Como ben sabedes o 30 de xaneiro é o Día da Paz e da Non Violencia nos centros escolares. Para ese día tiñamos proxectado facer entre todos unha pomba no patio pero a chuvia estragounos os plans.
Ao día seguinte os nenos e nenas de Educación Infantil e de Educación Primaria quixemos, a través dunha carreira no paseo marítimo, mostrar as nosas ganas por acadar unha meta común: convivir en armonía e entendimento.
 A chuvia parecía ameazar con botarnos ao traste a carreira pero nós que somos os máis valentes plantámonos na liña de saída e... preparados, listos, XA!
Gañamos unha medalla polo ben que o fixemos e rematamos máis contentos que cucos!

Curso de mecanografía

  Nestas datas na televisión sae un anuncio dunha consola e un videoxogo para aprender mecanografía, este recurso tédelo de balde en internet. É unha maneira máis divertida de aprender pois coas leccións acompáñanse xogos.
Esperamos que vos sexa útil e que a eses ratiños que os peques están frente ao ordenador tamén lles saquen proveito. Abur!
http://www.vedoque.com/juegos/mecano/

Bo Nadal!!

 Rematou xa o primeiro trimestre!! A verdade e que pasóusenos moi rápido e de aquel comezo de curso a este nadal parece que pasaron uns días.
 Esperamos que fórades bos e boas e que tivérades moitos agasallos, seguro que si!
 Co fin do trimestre veñen as notas (boas e mellorables, que de todo hai) e o FESTIVAL DE NADAL!!!
 Este ano non puido ser máis completiño: obra de teatro "Ledicia na vila", bailes a cargo dos nenas e nenos de ritmo, panxoliñas,... Fixemos por terceiro ano consecutivo a cadea humana para levar alimentos a Cáritas (moitas grazas a todos, foi un rotundo éxito), houbo chocolate con churros, visitounos un Papa Noël moi marchoso cos seus renos e elfos, puidemos degustar doces deitos polos alumnos da ESO e axudalos de cara a excursión comprando camisetas , broches, pulseiras... feitos por eles e todos os alumnos tiveron un agasallo de Papa Noël.
 Pasámolo xenial é en grande medida foi grazas ao traballo e dedicación da ANPA, foi unha festa moi divertida. O que nos fai pensar vendo o nivel do Samaín e do Nadal, como nos sorprenderan na próxima festa?
 Dende aquí quero animar a todos os pais e nais  a colaborar coa ANPA, xa os que máis gozan de todo isto son os vosos nenos e nenas e canta máis xente colabore máis se pode facer.

 Dito todo isto só queda desexarvos un Bo Nadal!!

EXCURSIÓN A "DINOSAURIOS PARK"

 O venres 7 de dcembro os ciclos de Ed. Infantil e Ed. Primaria fixemos unha visita a exposición de "Dinosaurios Park" en Narón.
 Coñecimos un pouco mellor a braquiosaurios, estegosaurios, tiranosaurios... grazas as explicacións dos nosos guías, réplicas dos dinosaurios e a paneis de información. Así agora sabemos máis cousas da orixen dos dinosaurios, os tipos que existiron e as súas características.
Despois traballamos en diferentes talleres. No taller de debuxo coloreamos distintas imaxes de dinosaurios, no taller dos paleontólogos tivemos a oportunidade de realizar unha excavación manual e encontrar fósiles enterrados. Ademáis había proyeccións de películas que tiñan como protagonistas aos dinosaurios.
Pásamolo moi ben!