Lectorestaurante. Dinamización da biblioteca.

Os rapaces e rapazas de 6º de E. Primaria aproveitaron unha clase de inglés coa profe Mª José para xantar dunha maneira diferente. Primeiro puxeron a mesa e logo puideron elexir entre un variado menú: libros en inglés. De sobremesa un contacontos tamén en inglés.

Bon appetit my friends!

Día do pai

 Como ben sabedes o pasado 19 de marzo conmemorouse o día do pai, é dicir San José.

Non ten porque ser unha data comercial, nin temos porque privar ao neno ou nena de facer un agasallo desde o corazón se o papá non está con eles. En case tódalas familias hai unha figura masculina importante: o avó, un tío, un amigo... ao que o pícaro lle teña especial cariño. Ese será o destinatario do día do pai.
 No cole houbo regalos para os papás, pero tamén para avós e amigos e todos estivemos moi orgullosos de levar á casa as nosas obras.

O tren da lectura. Dinamización da biblioteca

Acaba de chegar á estación da Jorge Juan un tren cheo de revistas e xornais.

 Non ten hora de partida así que podedes achegarvos a coñecelo, son revistas e xornais en varios idiomas.
 Non dubides en subir aos seus vagóns pois de seguro será unha viaxe interesante. Bon voyage!

Ola primavera!

Poño un cículo no medio
e outros pinto ao redor,
e con moito coidadiño
coloreo o seu interior.

Unha liña para abaixo
dúas folliñas... chispón!
con círculos e cores
dibuxei unha flor.
 

Os nen@s de E. Infantil saúdando á primavera

Somos uns deportistas!

Coincidindo co día do pai (19 de marzo) os nenos e nenas de 4º, 5º e 6º de Primaria  participamos no programa "Deporte na escola" do programa Xogade.
 Esforzámonos moito por dala talla coma deportistas e os resultados cremos que foron moi bos. A profe Eva pode sentirse orgullosa de nós, vamos de aquí ás Olimpiadas!

Un baúl cheo de piratas. Dinamización da biblioteca.

 Seguimos a traballar para que a biblioteca se converta nun imprescindible no día a día dos alumnos e alumnas.
Nesta ocasión os nenos e nenas de 3 anos visitaron ao resto das clases para falarnos do libro Un baúl lleno de piratas de Ana Rosseti. Conta a historia dun grupo de nenos: Chus, Cris,Toni, Gabi e Manu que convirten un baúl nun barco pirata e surcarán os mares do Sur en busca da illa do tesoro.

Se queredes saber que aventuras viven e como son axudados polas sereas xa sabedes, vinde a biblioteca do cole e levádeo en préstamo.

As dez galiñas. Dinamización da biblioteca.

No cole pensamos que é moi importante o uso e disfrute da biblioteca, nela hai agardando miles de historias que nos farán soñar, rir, tremer... pero sobretodo gozar da lectura.
 No intento de dar a coñecer este anaquiño de escola aos pícaros e coa intención de motivalos, profes e alumnos estamos a facer unha serie de actividades nas que os libros son os protagonistas.
 Neste caso a profe Ana e os alumnos e alumnas de 4º da ESO contáronlles aos nenos de Educación Infantil o conto de As dez galiñas de Sylvia Dupuis . Os pequerrechos estaban moi atentos ás galiñas de cores e ao cesto do que non paraban de sair animais. Foi un éxito de actividade!