Pero é unha pena non usar o que xa temos así que voltamos por estos lares para contarvos algunhas cousiñas novas. Seguiremos a usar o Facebook para as fotos do noso día a día e para os avisos oportunos.
O título da entrada ven dado porque o profesorado do centro asistimos durante 3 días a unhas xornadas sobre o TDAH (Trastorno por Déficit de Atención e/ou Hiperactividade) impartidas pola asociación ANHIDA da Coruña. Sen entrar en polémicas sobre se é un trastorno ou non, a realidade é que no día a día atopámonos con alumnado que ten dificultades nalgún aspecto da rutina escolar e o coñecemento é a mellor ferramenta para axudalos a superar esas dificultades.
Como pais temos a obriga de coñecer que lles ocorre aos nosos fillos e fillas e axudalos a ser unhas persoas plenas e felices, sen etiquetas nin modas. Se sospeitades que o voso fillo ou filla pode ter este trastorno o primeiro é levalo a un profesional especializado, se non estades totalmente conformes pedide unha segunda opinión que reflexe a realidade do voso neno, pois o TDAH non é só falta de concentración.
Deixámosvos un carteliño que tal vez vos axude a enender mellor que é isto do TDAH.
![](https://s-media-cache-ak0.pinimg.com/originals/f4/b6/ae/f4b6ae48602801b2823ac92b3ecab088.jpg)
No hay comentarios:
Publicar un comentario