Pepa é unha nova amiga que temos na clase os nenos e nenas de 4 e 5 anos. Pepa é moi boiña e non molesta nada. Só toma auga para beber, pero iso si échevos moi presumida e temos que cortarlle o pelo moi a miúdo, porque lle crece unha barbaridade!!
Se queredes ter na vosa casa unha Pepa necesitaredes:
unha media de muller
sementes de céspede ou similar
serrín
un cordel
Primeiro bótanse as sementes no fondo da media, logo o serrín ben prensado e vaiselle dando forma de boneca co cordel. Cando a teñamos rematada debe pasar 4 horas totalmente sumerxida en auga.
Logo so temos que deixarlle uns 5 cm de auga e a esperar que lle creza o cabelo para poñer en práctica os nosos coñecementos de perruquería.
Intentádeo e contádenos como vos foi. Un saúdiño!
No hay comentarios:
Publicar un comentario